إسماعيل تمر · 26 أكتوبر 2026 · كلمات مكتوبة باللغة العربية
كلمات أغنية لا مبالي
كلمات أغنية لا مبالي للفنان إسماعيل تمر مكتوبة كاملة ومقسّمة إلى مقاطع للقراءة، وفق النص المقدم من فريق الموقع.
كلمات أغنية لا مبالي
آه، واصل لمرحلة اللا مبالي
بدال ما أحكي مع بشر قاعد عم حاكي حالي
منعزل بغرفة صغيرة كل شي حدي مكسر
كل ما أحصل ع مفتاح دنيا بيطلع بابها مسكر
قدامي كاسة شاي باردة متل قلوب الناس
ورق وشوية أفكار جنبها حب وجع راس
بين أربع حيطان كاتب عليها ذكرياتي
حدي صندوق معتق مخبي فيو ضحكاتي
مليت من أخبار الموت قتل الناس موضة
مليت من الوضع لأنه صار الوطن فوضى
مسكر بابي خايف إطلع شوف وجوه ناس سودا
كأني بحار تايه داخل مثلث برمودا
فحوى محتوى الفتاوي راح تقسمو الشيوخ
العقل زينة لكن اللي حامل العقل مسلوخ
إنسان عابس راقد فاقد الأمل من حاله
من جسمي شايل القلب حاطط حجر بداله
كل ما نطلع من قاع مننزل لقاع ثاني
عم يتلحن الوجع على وتر إيقاع فاني
منسوب مستوى الثقافة صاير مُنخفض
مثل فيزة شب سوري مصيرها ترتفض
يا دنيا زيدي حمل أنا كتفي جبل مهما قلبي شاب
يا دنيا زيدي حمل أنا كلي وجع وبقلبي هم
ولا ممكن انكسر يوم حلمي مكانه بين النجوم
يا دنيا لك زيدي دوم أنا حملي، حملي أنا جبل هموم
مليان وجوه كلها أقنعة مزيفة
بالدينا توه بتلاقي العقول مغلفة
في إلنا رب ديماً حاول أطلب الأمل
من برة شب من جوة شايب بلا عمل
بداري فيكم لكن ما حدا بيداري
فبستكن مع دماغي منعزل بداري
لحالي بلاقي حالي بسأل وبخذ جوابي
عالمي بسيط غرفة مسكر فيا بابي
كله ناطر حتى تنكسر صديق عدو ودود
مصيرو الكسر ينجبر حتى العضام تعود
ولما صرت شب زارت بلادي حرب وسخة
صار من هتلر وفرعون عنا مئة ألف نسخة
حاسس حالي صياد بغابة كلا وحوش غاضبة
كله مكشر على أنيابه بعيونه نظرات ثاقبة
عقلي طالب عزلة حتى يعتزل وجوه الناس
لأنه العقل زينة وحده كافي حتى يعبي الراس
طيب حضرا لبلادي يا اللي كانت خضرا
الناس اتدوب من جمالها لما يميل خصرها
لما أحكي عن وطن ميت بتزيد النبرة
الشام اخت بيروت فقاسيون إبن صبرا
يا دنيا زيدي حمل أنا كتفي جبل مهما قلبي شاب
يا دنيا زيدي حمل أنا كلي وجع وبقلبي هم
ولا ممكن انكسر يوم حلمي مكانه بين النجوم
يا دنيا لك زيدي دوم أنا حملي، حملي أنا جبل هموم
معلومات الأغنية
- العنوان: لا مبالي
- الفنان: إسماعيل تمر
- سنة الإصدار: 2023
تصفح المزيد من كلمات أغاني إسماعيل تمر حسب سنة الإصدار.