أمي ثم أمي
كلمات اغنية أمي ثم أمي للفنان اسماعيل تمر
أنسانه ضحت بحياتها حتى نعيش أحلى عيشه
وياما صلت الليالي حتى نكون بأحسن حال
مافكرت بيوم أني رح روح ورح اتركها
لانو يلي متلا مافي منون حتى بالخيال
ولما غبت عنك انا والله جسمي عني انحال
رح ارجع حتى ضمك مهما ليل بعدي طال
لما تديق الدنيي فيني ولما بيقسو
عليي ناسي مين غيرك بقويني انا
بحطك على راسي وبشرفني طول
عمري كون خادم تحت رجلك
لأنو مهما عشت مارح لاقي متل قلبك
ظلمتك بالبدايه كتير وانتي تحملتيني
قسيت عليكي بالكلام ولا بعمرك زعلتيني
ولما كبرت انا فهمت وبدعواتك انا قدرت
اعرف الصح من الغلط وكلامك عندي فرض
بشوفك بنسى الرجوله بركد وببكي بحضنك
نعمه من رب الكون انو خلقني ابنك
من بعدك مافي غالي أنتي أغلى من حالي
غيابك سود نور الشمس وزود عتمات الليالي
قالولي الناس شو بتعنيلك كلمة الصبر
قلتلون من بعد أمي حطو نقطه عالسطر
قالولي الناس شو بتعنيلك هي الدنيي كلا
قلتلون هيي أمي مافي حدا محلا
أمي ثم أمي ثم أمي ثم أمي
رح ضلني عيد وكرر حتى أخر يوم بعمري إيه
يا أول كلمه قلته بحياتي كانت أمي
جوات روحي كبرت هي الكلمه جوا دمي
بعرف اني مستحيل اقدر اوصف بغنية
تحكي عن طيبة قلبك او توصف الحنيه
يلي بشوفا جوا عيونك يا أجمل النساء
يا عظيمه يلي دعاكي أجمل الدعاء
أنتي لا تسكني بالارض بل تسكني بروحي
هاتي المرض عنك قبلان لو زودلي جروحي
يامحلا جروحي لماتكون كرمالك يا أمي
هاتي أوجاعك كلا حتى تجري جوا دمي
هاتي همومك كلا حتى شيلا فوق كتافي
كرمالك يا حنونه عالجمر بمشي حافي
لو بدك عيني خديا حتى تشوفي فيا
هي الدنيي شو محليها غير وجودك فيا
يا أمي أنتي جنه أنتي السعاده والحياة
مالي وطن غير حضنك أنا بقولا للممات
بجمع كلماتي حتى أحكي يلي بذاتي
مافي كلام بيوصف الاحساس يلي جواتي
أنتي فرحتي وجنتي سكنتي جوا دمي
حتى الروح يلي فيني هي ملكك يا أمي
