البحث عن:

علي الدوز

اطلع من راسي يا زلمة
عم قص رقاب كل غنمة
أبصرت و تفاجئت فيكُم
صرت انطفي لما قابلكُم
كم مرة مالت الزلم
عالمال وحرقت الفيلم
عالمنا حفلة Halloween
طب كم وش كنتو لابسين
عم اجلدكم انا بقلمي
بنصب ببيوتكم علمي
عارف سامعني يازلمة
عم خص نص فَـ عم خصكُم
هيDiss ؟ لأ لعلمكم
هي درس ليلي باعو منكُم
غربالي صاح ف غربلكُم

علي الدوز موسيقى يابا
قالو صحابي مابيميلو يابا
علي الدوز موسيقى يابا
قالو صحابي مابيميلو يابا

عم بحلم بنقلة من كوكب
لشي كوكب تاني بينصف شبابو
عم ببني برابي كواكب وبغزل خيطانا
بشعارتي الي شابو
ماني جاية سليك
كلمة بقلبي مابخلي
كلو ماشي تسليك
بدك اي شي دقلي
خسرت لكني تعلمت من كيسي
فربحت محبة الناس بطريقي
نحنا الي انبعنا فمايكي صدقي
علمني المراجل ف ما ابيع رفيقي
سارد على مايكي
لقلك بلاع كل جروحك لانا بتكبرك
خود التجارب
و تجند مابعمرك تتهاون وتفتلا ظهرك

علي الدوز موسيقى يابا
قالو صحابي مابيميلو يابا
علي الدوز موسيقى يابا
باعو و نسيو صحابي يابا

شو سهرنا عاندنا الليل
تنرسم حلم يعانق الغيم
نخاوي الصاحب ابد ما نميل
نشد حبال جروحنا لتطيب
قالو عني مليت
و انا الجروح بايدي هديت
والي قالو اني ولا مرة رح كون .
ثابت جبال ومكاني هون
عم صارع بميل بعارك ايامنا وبناطح الويل
لاني عارف اني كيف اداوي سقمي
كاتب النهاية بايدي ماسك قلمي
بنتمي لألمي
وجروحي بتحكي عني انا مين
طعنة بالخاصرة الا سنين
بتقويني كأنو فيتامين

شو رايك تفك عني
انت الي بتفهم بكل شي
شو رايك تحل عني
انت الي بتلبق لكل شي
مالي جاية سليك
كلمة بقلبي ما بخلي
كلو ماشي تسليك
بدك اي شي دقلي

علي الدوز موسيقى يابا
قالو صحابي مابيميلو يابا
علي الدوز موسيقى يابا
باعو و نسيو صحابي يابا

آمالنا

مشى الموت بين القبور
وحكى لنا قصةً لا تبور
وسجى، يحمله قلبٌ صبور
لأمَّةٍ، قُلِعَت من الجذور
لضميرٍ ليس يدمي
لأخي، ودم ابن عمّي
لحزن أمي، وشكوى جدِّي
لأنين أختي عندما تقول

آمالنا في ربّ السّماء
خيرُ سامعٍ، إله الرّجاء
مفرّج الكرب عند البلاء
ونورنا في الليلة الظلماء

وطي صوت الكوكب وعلّي الكوفية
خلي صوتك الناطق الرسمي للناس المنسية
ما لها ديّــة .. شتات الأُمة بيخنق القضية
وغزة هي لمّت الشمل فـتنفسوا حرّية

وانهار الجدار الفاصل وانهارت معو القواعد
كف… للظالم يعرف شو عملت غزة بسواعد
ميلي ميلي… يا حرّة زيّني أرضك بشهيد
غزة الّي بتولد رجال… ما رح تخلّف عبيد

بتاخد ثأرها بإيدها… وتنهي ملحمة ببطولة
والّي بيعتدي عليها خايف و إيده مشلولة
سامعين… صرخاتك من أفعال الجاحدين
مكتّفين… وحدودك صارت تطلب اليقين

انفضي الوجع وقومي ربّي واعدك بجنّة
حلّ المرض عليكِ… مرّضتِ معاكِ أُمة
بدا همّة… تحلّي بالصبر يا حرّة قومي
اكتُبي التاريخ و صدّري المراجل فينا دومي

هل تسمعون؟ هل تنظرون؟
أين الملا ممّا يفعلون؟
سقط القناع، عن القناع…
واستباح الوحش بيت السلام…

ظلٌّ لا يحتاج نور
رزقٌ من غير قصور
إحساس لا يوصفه شعور
وصوتٌ خافت لكن جهور…

طفلٌ مشى بين الركام
أمٌّ تشكي حرّ الآلام
والدٌ يصرخ للأنام
قولٌ فيه هزّ للذمام…

أجسادنا أعمارنا آلامنا أحزاننا
فداء فداء فداء فداء
حجارنا سلاحنا أقلامنا مقلاعنا
نداء نداء نداء نداء

أغنية “آمالنا” هي عمل فني يجمع بين أصوات إسماعيل تمر ومي عبد العزيز وحسين حيدر وليال الغصين، تحمل رسالة قوية للأمة العربية، خصوصاً لفلسطين وغزة. الأغنية تجسد الأمل والصمود أمام الظلم والاضطهاد، وتحث على التمسك بالقيم والإيمان بأن النصر قريب. الكلمات المؤثرة تعكس مشاعر الحزن والغضب، وفي الوقت نفسه تحمل رسائل الأمل والثبات.

الجمهور وجد في الأغنية تعبيرًا حقيقيًا عن مشاعرهم وآلامهم، حيث لامست الكلمات القلوب واستطاعت أن تعبر عن الأوجاع المشتركة لكل من عانى من الظلم في وطنه. تقدير الجمهور للأغنية وللفنانين المشاركين فيها يعكس عمق التأثير الذي تركته الأغنية، وكيف استطاعت أن توصل صوت الحق والصمود لأجيال كاملة.

الأغنية ليست مجرد عمل موسيقي، بل هي صوت يُسمع في كل بيت يعاني من الظلم، وصرخة تجسد آمال الشعوب العربية في الحرية والكرامة.

شوشرا

شوشرا
في جوا راسي شوشرا بمركز العقل
سببها واضح لانو عشنا دنيا مافيا عدل
سياسة القطيع مسيرا ف اقطع الحبل
ارفض الخضوع لأيَ فكرة زادتك جهل

نحنا الشباب الي شابت وجوهنا
غرقنا بوهمن ف ضعفت نفوسنا
منجمع خيباتنا ونكتبها بدروسنا
ف منعرف بانو كل مُر رح يمر

عندي شكوك حتى بالاوكسجين
محبوس بلعبة والكوكب سجين
متعاش بقانون البقاء للأقوى
ف بعارك لانجو من الفاسدين

من فوق اسواركم الظالمة عديت
وكل قوانين هي اللعبة تخطيت
وعرفت الوجوه الكأيبة و مليت
ف بقعد لحالي مع حال ببيت

كوكبنا ملعوب بسفلو
ف كم … نتنياهو عنا بجامعة عبرية
غزة عم تكشف قناعكم
ف بيسقط كيانكم بوش القضية

العبة واضحة ما رح تنتهي بسينا
كلو بصمتو شارك بالمخطط الي مالو دين
خانو الأُمة دمرو الأمل الي فينا
فَـ انطرو جهنم واسكنوها خالدين

يفضح كيانن كل شي بإيدن
الله عارف ولو بدو بلمحة البصر ببيدن
كالافاعي بالارض بسمو ماحدا بصيدن
وكل ماعاثو بالارض فساد الله الي بيزيدن

لأنو عارف النهاية عندو تجتمع خصوم
كل جيوشك واموالك عندو ما الا لزوم
ويسكن الشهيد بجنة يرافق كل الي انظلم
من الاقصى لبورما سوريا ليبيا واليمن

والقائمة بطول قرب موعد العدل
كلو بيوم الساعة حاضر ولك حتى ابو جهل
وين المفر يلا ادفع الضريبة
ضريبة كل إنسان ظلمو هون مافي هريبة هع

فوق مافي حدود و بسبور مافي هوية
فوق بقدر احكي سوري مافي عنصرية
قال الارض ما بتساعنا هو مسكنو تابوت
اكتر جملة بتصبرني يابا (كلنا رح نموت)

أغنية “شوشرا” للفنان إسماعيل تمر تُعتبر من الأعمال الفنية التي تتناول واقع الحياة بكل قسوتها وصعوباتها، وتسلط الضوء على الظلم والفساد الذي يعاني منه الشباب. الكلمات تحمل رسالة قوية ضد الانصياع للظلم، وتدعو لمقاومة الفساد والاستبداد بكل أشكاله.

الجمهور وجد في الأغنية تعبيراً حقيقياً عن مشاعرهم وأوضاعهم اليومية، حيث استطاع إسماعيل تمر من خلال كلماته القوية والصادقة أن ينقل معاناة الكثيرين ويعبر عن آمالهم وآلامهم. الأغنية تُظهر التحديات التي تواجه الشباب العربي اليوم، وتحثهم على الصمود والمقاومة رغم كل العقبات.

إسماعيل تمر يبرز كفنان يجمع بين الموهبة الحقيقية والفهم العميق لقضايا مجتمعه، ما جعله يحظى باحترام وتقدير واسع من متابعيه.

صورة من اغنية زيديني اسماعيل تمر

لين القلب

كيف الشبيبة بعرف اغلبكم كأيبة
لانو بعد كل ضحكة عم تجي ضريبة
ليك هية هيك ما بتوقف عليك
فقوم و قاوم لو تعبت تذكر الي فيك

تذكر انك لو ما قمت ماحدا بشيلك
الا دعوة الام الحنونة الي بتدعيلك
كرمالا قوم لا تورجيا انك منكسر
مافي جرح الا وإلاه بينجبر

قسي راسك الدنيا بدا خشن
ماتحاول تسرح وتتهاون فيا بتندفن
هون مافي رحمة عملوا ساحة قتال
كلو بدو ينهي كلو يابا ضاعت الرجال

البوصلة واضحة لكنَ نحنا الي مُغيبين
منغوص بال Reels ياخي بشر مُخدرين
و الطبيب النفسي ماقدر يفهم عنفسي
فمالي الا داوي نفسي بنفسي

الي قلبن صافي صارو معدودين

نحنا يلي شتتونا نحنا مين

ارسم الطريق فتاح بوابو خاوا
نفض الغبار الي خفى الملامح
عايش بعزلة جرحي فيا تداوا
يا خي تعلم هذا كوكب مصالح

اشتقت لحالي واشتقت ل الكم
اشتقت لعيلة اتداري فيكم وتجمعكم
واذا قسي الوطن خلو الأهل وطنكم
حتى انتماء الاسرة بيسلبوها منكم

مغيبين باللهِ قومو
انا الي قبلكم عانيت لكن انتصرت
مغيبين باللهِ قومو
والي بيقلك ما حتكون قلو فشرت

خليك صلب لو تعبت العزلة استراحة
فيا افهم النفس لتعرف انت مين
من القلب بصيرة بتشعرك براحة
بتعرف انو ليّن القلب محمي لو بعد حين

الي قلبن صافي صارو معدودين

نحنا يلي شتتونا نحنا مين

أغنية “لين القلب” للفنان إسماعيل تمر تحمل رسالة عميقة للشباب الذين يشعرون بالضياع والضغط النفسي. الكلمات تعبر عن التحديات والصعوبات التي يواجهها الشباب في حياتهم اليومية، وتشجعهم على مقاومة تلك الصعوبات وعدم الاستسلام لها. الأغنية تذكر المستمعين بأهمية الاعتماد على الذات والتمسك بالقيم الأساسية مثل العائلة والانتماء، وتدعو إلى مواجهة الحياة بقوة وصلابة.

العديد من المستمعين قد وجدوا أنفسهم في كلمات الأغنية، حيث تعكس مشاعرهم وتصور واقعهم بشكل دقيق. تعبيرات مثل “اشتقت لحالي” و”اشتقت لعيلة اتداري فيكم” تعكس الحنين إلى الذات الأصيلة وإلى الأمان الذي توفره العائلة. إسماعيل تمر، من خلال هذه الأغنية، يظهر فهمه العميق للمشاكل التي يعاني منها الشباب، ويقدم لهم الدعم النفسي والمعنوي من خلال كلماته، مما يجعله قدوة وصوتاً لهم في مواجهة تحديات الحياة.

صورة من اغنية زيديني اسماعيل تمر

زيديني

عم شوفك بعين .. قلبي
ف اتطمني عارف الروح الي بداخلك ..
لو بملك عمرين .. فداكي
وحياتك بقضي حياتي عم غازلك ..
بحميكي من كون .. بحارب كرمالك
بلاكي ما بكون ..
طالب وصالك .. وغارق بعيون ..
خليكي معي .. بعدا كل شي بهون ..
بحياتي ما بميل .. لغيرك
لاني عطشانك وحضنك رواني ..
وبنطر الليل .. لتغفي ع صدري
وتدوبي بدمي بثواني ..

عيشي فيني وانقذيني من كل حدا قبلك قسي

كوني سنيني واكتبيني اسطولي ببـحرك رسي

بعدك صمت انا مالي ناس ..
بُعدك صمتو ملالي راس ..

انا يلي عارف انتي مين .. انتي نجمة من السما ..
انا يلي عارف انتي مين .. انتي لجروحي دوا ..

وحدي بهالليل وما صفي الا كلماتك ببالي ..
انا يلي فيكي مكتفي .. يا اقرب من حال ع حالي ..

بتركلك قلبي بين ايديكي ارتكي على قلبي اتطمني ..
لو قسيت هالدينا عليكي .. انا حدك فيني ارتمي ..

بقعد بتأمل اوصافك ..
شعر الحرير يلي زين اكتافك ..
وقلبي مابلومو لو داب ..
ملكتي كيانو من لحظة الي شافك ..
زيديني منك ..
عيديلي تاريخي مافي الي غيرك بيمون ..
اسقيني حضنك ..
عم بخلق من تاني لما بين ايديكي عم كون ..

عم غازل ملائكة .. و شو نفع الكلام ..
سكنتي بقلبي فـ كنتي سلام ..
و غصني على غيرك بعمرو ما مال ..
خليتك بعمري .. كــ مسك الختام

عيشي فيني وانقذيني من كل حدا قبلك قسي
كوني سنيني واكتبيني اسطولي ببحـرك رسي

أغنية زيديني هو الجزء الثاني من قصة إسكنيني، وهي أغنية للفنان إسماعيل تمر. الأغنية التي تم إطلاقها في 10 يوليو 2024، حصلت على 400 ألف مشاهدة خلال يومين فقط. قام إسماعيل تمر بكتابة الكلمات والألحان وإنتاج الأغنية، فيما قام أحمد عبيد بتوزيع الموسيقى والمكساج والماسترينج. أخرج الفيديو إبراهيم ناصر الدين، وكان مدير التصوير حسن ظاظا. يشارك في بطولة الفيديو كل من ولاء عزام، سعيد سرحان، عادل شديد، وآلان زعبي. يمكنك الاستماع إلى الأغنية عبر المنصات الصوتية الخاصة بإسماعيل تمر.

مهرة

انا يلي هادم الي باني بإيدي
من لما قلبي فيكي لآن
قلبي ليكي ارحلي خدي
عندي ماعاد الو مكان

بتنفس بعدك انا بـ صمت
ضحكات عيونك انا بـصمت
كم معركة فيني انا هزمت
بس غيابك طفالي كون

حنيت يامهرة راعي
مافيكي مني تتبدلي
يا دنيا صعب تتحملي

حنيت يامهرة راعي
مافيكي مني تتبدلي
لو بكتب اوجاعي
يا دنيا صعب تتحملي

و بداري داري وانا مين يداريني
غيري ماعاد فيني لوم
و بداري داري وانا مين يداريني
اسما باقي بقلبي دوم

بعدك لمين

بوهب حياة

كنتي الوتين
بقلبي انا

كوني لحني فيني زيدي طربي
كوني حرفي أدبي و كتبي
كوني حربي ناري كوني حطبي
بس خليكي جمبي هون

كوني شمسي ليلي كوني قمري
كوني جرحي داوي فيكي مرضي
كوني وطني سكني و لقبي
بس خليكي جمبي هون

و بداري داري وانا مين يداريني
غيري ماعاد فيني لوم
و بداري داري وانا مين يداريني
اسما باقي بقلبي دوم

و بداري داري وانا مين يداريني
غيري ماعاد فيني لوم
و بداري داري وانا مين يداريني
اسما باقي بقلبي دوم

لين القلب

كيف الشبيبة .. بعرف اغلبكم كأيبة
لانو بعد كل ضحكة عم تجي ضريبة
ليك هية هيك ما بتوقف عليك
فقوم و قاوم لو تعبت تذكر الي فيك

–

تذكر انك لو ما قمت ماحدا بشيلك
الا دعوة الأم الحنونة الي بتدعيلك
كرمالا قوم لا تورجيا انك منكسر
مافي جرح الا والإله بينجبر

قسي راسك الدنيا بدا خشن
ما تحاول تسرح وتتهاون فيا بتندفن
هون مافي رحمة عملوا ساحة قتال
كلو بدو ينهي كلو يابا ضاعت الرجال

البوصلة واضحة لكنَ نحنا الي مُغيبين
منغوص .. بالريلز يا خي بشر مُخدرين
و الطبيب النفسي ماقدر يفهم عنفسي
فمالي الا .. داوي نفسي بنفسي
–
( الي قلبن صافي صارو معدودين
نحنا يلي شتتونا نحنا مين ) ×2
–
ارسم الطريق فتاح بوابو خاوا
نفض الغبار الي خفى الملامح
عايش بعزلة جرحي فيا تداوا
يا خي تعلم هذا كوكب مصالح

اشتقت لحالي واشتقت ل الكم
اشتقت لعيلة اتداري فيكم وتجمعكم
واذا قسي الوطن خلو الأهل وطنكم
حتى انتماء الاسرة بيسلبوها منكم

مغيبين باللهِ قومو
انا الي قبلكم عانيت لكن انتصرت
مغيبين باللهِ قومو
والي بيقلك ما حتكون قلو فشرت

خليك صلب لو تعبت العزلة استراحة
فيا افهم النفس لتعرف انت مين
من القلب بصيرة بتشعرك براحة
بتعرف انو ليّن القلب محمي لو بعد حين
–
( الي قلبن صافي صارو معدودين
نحنا يلي شتتونا نحنا مين ) ×2

اكون او لا اكون

أنا لما بزرع الحرف براسي بتنبت كلمات
صوتي عالي وعم صرخ من مشاكل هي الحياة
ماشي بهالدنيا ومابعرف شو يلي عم يصير
الناس تحولت لوحوش الكبير بياكول لصغير
تنين وعشرين سنة صار عمري وعم أكبر
وانا كل ما أكبر يوم على حالي عم بتحسر
بمشي بالشارع بتفرج على وجوه الناس
فوق جبينون مكتوب قتلنا الفقر والإفلاس
البسمة طارت من شفافون كلو ماشي وعابس
هم وغم وحرقت دم بالديون كلو طابسس
يوم ورا يوم وشهر ورا شهر
ملينا من هالحالة ولك ملينا من القهر
مشينا حتى حفينا نسينا أيامنا وماضينا
نحنا منلوم الزمن والزمن بيلوم علينا
قديش تعبنا شقينا بكينا ما حدا أطلع فينا
ردينا أرجعنا من الصفر من مطرح ما بدينا
أكون في هذه الدنيا أو لا أكون
كيف أكون وانا إنسان مبني على السكون
أكون في هذه الدنيا او لا أكون
كم صبرنا على دنيا كنا فيها محرومون
مستلقي على الأرض مكمم العيون
لا حول ولا قوة قد أصبت بالجنون
أكون في هذه الدنيا أو لا أكون
كيف أكون وانا إنسان مبني على السكون
يوم ورا يوم وشهر ورا شهر
منام على ظلم ومنفيق على قهر
بدي إسألك يا دنيا إيمت بدك أتريحنا
طلعتينا .. نزلتينا .. بكيتينا .. زليتينا
عم نركض وراكي معاكي وما حسيتي فينا
ليش كل ما توصل اللقمة لتمنا بتخطفيا
نسيا.. لو لمرة وحدة إنسيا
خلينا ناكل اللقمة من دون ما نغص فيا
ولك إذا الفرحة قبل ما توصل لعنا بتحذفيا
وإذا ضحكنا ضحكة منعرف إنو الحزن رح يمحيا
ملينا من ضرباتك تمسحنا ما عاد حسينا
حسي فينا هدي شوي علينا يلي فينا مكفينا
مشينا حتى حفينا فيكي مالقينا شي بيرضينا
خليكي متل ما انتي ومتل ما نحنا خلينا
مصيري بدي أوصل وانا راسي مرفوع
لا يصح إلا الصحيح الفشل عندي ممنوع
أكون في هذه الدنيا أو لا أكون
كيف أكون وانا إنسان مبني على السكون
أكون في هذه الدنيا او لا أكون
كم صبرنا على دنيا كنا فيها محرومون
مستلقي على الأرض مكمم العيون
لا حول ولا قوة قد أصبت بالجنون
أكون في هذه الدنيا أو لا أكون
كيف أكون وانا إنسان مبني على السكون
رسالة .. هي غنيتي رسالة
لدنيا عشنا فيها عم نطالب بالعدالة
أنفاسي ما عم تطلع الروح بجسمي مهمومة
بعيوني ما عم أقشع أعصابي تلفت معدومة
مشلول جسمي واقف دقات قلبي مكتومة
قلمي بإيدي وعم اكتب كلماتي صارت مسمومة
خلصت الصفحة الأولى عادي بفتح صفحة
بجمع أفكاري بحطا بكتاب هالدنيا العنيدة
حامل نعشي على كتفي وكلامي مطر
معاني كلماتي عيشتني بخطر
لأنو من وراكي أنصبت بإنفصام شخصي
أنقسام نفسي
أنعدام بكل زمان بكل أوان بكل أمان
إنسان جبان أتحولت اتغيرت ما عاد فهمت شي بدي من هالدنيا
أفكاري صارت طلب… والطلب صاير حلم
والحلم صاير صعب… والصعب صاير مستحيل
أكون في هذه الدنيا أو لا أكون
كيف أكون وانا إنسان مبني على السكون
أكون في هذه الدنيا او لا أكون
كم صبرنا على دنيا كنا فيها محرومون
مستلقي على الأرض مكمم العيون
لا حول ولا قوة قد أصبت بالجنون
أكون في هذه الدنيا أو لا أكون
كيف أكون وانا إنسان مبني على السكون

هذا فني

(راب عربي .. هذا هو فني
هز راسك مع البيت لاما تسمعني ) ×2

السلام عليكم.. رح ابدا بالسلام
لعشاق الراب العربي بهديكون هالكلام

تويستار هذا أسمي مرافقني منذ الطفولة
كلام الراب بيطلع من تمي بكل سهولة

إنسان بسيط انا اكره التصنع
ببعد عن الاماكن يلي فيا تجمع

دخلت عالم الهيب هاب حتى قلك
إذا ضيعت طريقك انا بأفكاري بدلك

بالمختصر المفيد إذا فشلت أوعك تزعل
كمل طريقك بالإرادة اوعا تفكر تدبل

يعني حب ما تعمل حتى تعمل ما تحب
وإذا ضاقت فيك الدنيا انت مالك غير الرب

راب عربي .. هذا هو فني
هز راسك مع البيت لاما تسمعني

راب عربي هذا هو حلمي
فكر بكلامي منيح حاول تفهمني

راب عربي .. هذا هو فني
هز راسك مع البيت لاما تسمعني

راب عربي .. هذا هو حلمي
أفكاري بدا توصل مافي شي بيقدر يمنعني

خلي حدودك السما ولا توقف تحت سقف
كل أفكار الدنيا تكونو من اول حرف

عيش بهالدنيا متل مابدك وارتاح
لاتوقف ولا ثانية ولا تندم عيلي راح

حاول اكتر من شغلة وأفتاح كل البواب
ملقب بالمحامي وبدافع عن الشباب

تعلم منك ما تركع لأي شخص كان
الكرامة خط احمر لاتنزل لأي إنسان

عيش متل مابدك مابدك وخلي أفكارك حرة
بالبسمة بالإرادة والأمل منكون بكرة

الخسارة لا تعني الفشل كمل وأستمر
حتى تشرب كاس الحلو لازم تشرب كاس المر

راب عربي .. هذا هو فني
هز راسك مع البيت لاما تسمعني

راب عربي هذا هو حلمي
فكر بكلامي منيح حاول تفهمني

راب عربي .. هذا هو فني
هز راسك مع البيت لاما تسمعني

راب عربي .. هذا هو حلمي
أفكاري بدا توصل مافي شي بيقدر يمنعني

ها ها ها ها…افري بودي ايوا
بوت يور هاندز اب…تويستار

افري بودي ايوا…ستاند اب
تويستار…ليتس جو

راب عربي .. هذا هو فني
هز راسك مع البيت لاما تسمعني

راب عربي هذا هو حلمي
فكر بكلامي منيح حاول تفهمني

راب عربي .. هذا هو فني
هز راسك مع البيت لاما تسمعني

راب عربي .. هذا هو حلمي
أفكاري بدا توصل مافي شي بيقدر يمنعني

لعنة الحرب

اني اناديكم أرجوكم إسمعو ندائي
من الألف إلى الياء حروفي عم تكتب رثائي
ياربي أخرج الأمة من هذا الإبتلاء
كيف يجوعُ قومٌ عـِنده حاتم الطائي
دعوتُ ربي راجياً يارب أقبل دعائي
نحمل هموماً لقد زادت عن الجبال
فــ كيف لا أبالي .. وهمنا فاق الخيال
من كثرة الظلم لقد بكت عين الرجال
لا تسألني مين الظالم لأنو كترت القضايا
صار الظلم عنا عادي روح شوف أهل مضايا
لا تسألني وين العدل يابا لك ع مر مات
هيهات علينا .. وعلى الأمة هيهات
ما رحلنا إلا لما تحول الوطن لغابة
يلي كان قلبو طيب وهلأ صار رئيس عصابة
يامو الشام مافقدت حنانا بس أهلا تغيرو
والقدر بالغربة رمانا والناس تمرمرو
سوريا تحولت وليمة و فيا الف ايد
ما رحلنا غير لما شفنا الحل كتير بعيد
متغرب وعم طالب أرجع لدولة خلقت فيا
عشت فيا كبرت فيا أهلي وكل صحابي فيا
اصحى يانايم الوطن بالدم عايم
ما بعرف كم كتيبة عنا لأني صايم
صايم عن القتل والدبح والتكفير
لأني راضي ضل مواطن ما بدي كون وزير
بكير..بكير.. لأنو بعرف الله كبير
و لأني مؤمن إنو الجنة رح تحوي كل فقير
والموت نادا ولاد بلادي يلا عالبحر تعو
يا سوريين اتجمعو وبالقوارب أطلعو
سوريا نادت إرجعو وأنتو ما كنتو تسمعو
بالنهاية جثث ميتة عالشواطئ تلمعو
لك حتى انت يا بحر نحنا منك ما سلمنا
ردلنا جثثنا إكرام الجثة دفنى
—————————————-­—–
داري داري – داري الإرهاب بفكر عاري
مين يلي باعك ياوطن ومين هو يلي شاري
داري داري – غسل الدماغ بعدو جاري
تجار الدم باعو فينا والعرض بعدو ساري
وجوه الناس كلا عابسة لأنو جوا الفتنة طابسة
بدك تفهم كلماتي شغل الحواس الخمسة
الورود عنا بتندبح وبيقتلوا المولود
مو موجود مكان آمن حتى تسمع صوت العود
حلت لعنة الحرب هي أحقر حرب بالوجود
بين الحارة والمدينة صار في حاجز وحدود
قتلتو البشر والحجر صار علينا يبكي
أطفال صغار يئست صارت ل الله تشكي
من كتر ما شفنا قتل عقل ما صفا فينا
من كتر ما دفنى موتى أنشلت إيدينا
بالله عليكن بكفي ما تعبت إيديكن
ما شفتو صرخت الأرامل عم تدعي عليكن
يابا الوطن للغني والوطنية للفقير
يلي قضا عمرو ذل وهم وغربة وتعتير
أحلامي صارت غرفة صغيرة ببلادي تحويني
بتقلي منك خايف بقلك الله بيحميني
ياربي مالي غيرك طفي الحرب بنورك
يلي عم تفسد بالأرض صدقني جاية دورك
قالو الجوع كافر .. بس عنا الجوع قاتل
ولك تبت أيديكم جميعاً وشُلــت الأنامل
يا أطفال بلادي لا تحزنو يا سادة
أنتم خيرُ من في الأرض أنتم السيادة
انتم العلم والقلم ولك أنتم القيادة
انتم العمل والأمل ولك انتم الإرادة
بطونكم الفارغة قد فتت عظامي
ياعيني لاتنامي … فــ أخوتي تعاني
من مضايا واليرموك إلى أطراف الشام
جائت صرخةُ أوقفوا القتل الله يراني
—————————————-­———–
الحلم العربي راح حطو بدالو رصاصة بالسلاح
إسرائيل بغزة وأنتو بجهاد النكاح
يلي بيزرع دم ما بيحصد غير الدم
أوباما لا تهتم جاري مفعول السم
تم القضاء على كل الوحدة العربية
يلي كانت تنادي ديماً بالقضية الفلسطينية
ياربي جيتك أنا مناجي
لا تخيب دعوة شعب سوري إلك عم يناجي
يا ربي لا تحرم طفل سوري من ضمة أمو
ياربي وحد الشعب و خلي سوريا تلمو
وك اسمع يا أبن آدم مسلم كنت أو مسيحي
بصوت اليتامى دخلك يا أم الشهيد صيحي
صيحي للمؤيد للمعارض للمقاتل
للضريح للجريح يلي دمو سايل
يا أم الشهيد صيحي وصلي صرخاتك للسما
مهما زادو بالظلم نور الشمس ما بينعما
خلي العظام ترتعش من جوا تصيح وتشكيى
على وطن ما عرفنا نصونو لسا شو رح نبكي
لك رغم كل شي صاير لسا بتسألني عن ديني
علاقتي بيني وبين ربي انت شو بدك فيني
لو حطو القمر بشمالي والشمس بيميني
مافيني أقتل إنسان لو بقطع شراييني
متربي ع خيرات الشام وهادا بيقويني
بحترم كل الأديان .. هيك علمني ديني
بعبد ربي لأرضى ربي مو لترضى أنت
حافظ كتاب الدنيا كلو من الجلدة للجلدة
تباً لأمة تقسمت لألف أمة
وكل أمة فيها تقول انا الأمة
من بعدك يارسولي الأمة قد تشتت
فأصبحت جريحة من الداخل تمزقت
فأقبلت إلينا معظم الوحوش والظلام
وسادا الفسادا في بلاد الشام
يا أمة المليار في مسلمين جائعين
والحكام تحت أمر البيت الأبيض راكعين
أطفال بلادي لا تعلم بالحرب إلى الحسرى
(لاتنتمي لداعش .. حر .. نظامي .. أو لنصرى) ×2