Close

ديسمبر 28, 2017

سوري قديم

كلمات الأغنية اسماعيل تمر و قصي خولي

في تجربة تعد الأولى في مشواره الفني طرح النجم السوري المتألق قصي الخولي أغنية تحمل عنوان “سوري قديم” بالإشتراك مع مغني الراب اسماعيل تمر. تتحدث كلمات الأغنية عن أخوين الأول مغترب والثاني مستقر في سوريا يحكيان معاناة السوريين داخل البلاد والمهجر، في ظل حرب استمرت ل 7 سنوات. تمكنت الاغنية من ملامسة قلوب الناس، بمضمونها الإنساني البحت، وتذكير الفنانين بالقيم الإنسانية بعيدًا عن مآسي الحرب والصراعات الطائفية. الأغنية من كلمات اسماعيل تمر، فكرة وإخراج قصى خولى.
و منذ عرضها على اليوتيوب حققت الأغنية نجاحًا وإشادة واسعة بين السوريين، وما زالت تجتذب المزيد من المشاهدين.

سوري قديم: كلمات الأغاني

اسماعيل تمر : متمني أمسك الوريد و أقطع شريان الشوق حتى بطّل حن أشتاق لناس صارت فوق عايش جوا الوطن بالأسم لكن أنا متغرب عم حاول أتئقلم ع الموت كل يوم عم جرب بتضلك أحسن مني ما عم تشوف اللي بشوفو بتمد أيدك للصلح كلو بيمد سيوفو ما عم أقدر أسمع إلا صيحات إيتام ما عم أقدر شم إلا ريحت الدم بالشام ريحت الياسمين تغيرت ميّة الشام تعكرت من النفوس تعترت الأنسانيه تقتلت الناس عنا بتضحك لكن من جوا متاكلة والحزن جوا دمنا صار كلو ع هل شاكلة بتتذكر ياخي لما قلتلي ما منتفرق الشام عم تشتقلك حتى يسمينها المعتق حيطان البيت حنتلك عليها صور تتلزق كل يوم بيمرق بغيابك غصة قلب بتشردق .

قصي خولي : حاسس فيك ياخي صبور بكرا الشام رح تتعافة شايفة ولادها عم تموت حاملة الحزن ع كتافها ياخي دير بالك تنسى الشام مالها خرسا الشام حنونة لكن نحن علمناها تقسى متغرب لكن أسم الوطن عم يمشي بدمي مشتاق لتراب بلادي مشتاق لريحة أمي لا تلومني متغرب عن بلادي حتى أعيّنك أرجع من الغربة أعوء أرسم الفرحة ع جبينك سوري قديم ببقى ما رح تغيرني شدة من محمد و يسوع عنا القوة مستمدة قرآن مع أنجيل هيك سورية علمتنا مهما أختلفنا و فترقنا رح ترجع وحدتنا لو كل الناس تجمعت قتل الناس شرّعت قالو سوريا تقسمت لما الأطفال تيتمت لا تتغير مهما تغيرو الناس سوري قديم بالأصل هو الأساس .

اسماعيل تمر : ياخي ذكريات الماضي عم تاكليّ روحي كل ما أصفن بليّ صار فينا عم تزيد جروحي قلوب الناس صارت سودا نظرات عيونن تكويني سفرّني ع أيّ دولة ع جرح الوطن مافيني الروح بجسمي عم تصرخ الحجار حست فيني حياطان البيت خنقتني مافيي قوة بتهدّيني ياخي مالي طالب إلا من جرح الوطن اتعافا أرجع شوف سورية أقوة مهما قطعو أطرافها .
قصي خولي : وحياة عيونك سوريا بدها ترجع الطيبة يلي فينا بتتغلب ع صوت المدفع أسمع ما بدي شوف الحزن فيك لو تغربت ع الوطن الغربة ما بتنسيك ما حتلاقي تراب متل تراب الوطن بدفيك لما بتبرد مافيي غير تراب الوطن بيحميك خليك متل ما أنت خليك سوري قديم و الأصل يتمسك فيك.

من تعليقات الفانز على فيديو كليب سوري قديم

  • عمل سوري .. بظن هدا اقوى عمل ببين انو الشعب السوري اذا اجتمع بطوائفو بقدر بقدم شي حلو … هدا العمل اهداء لكل حدا بقول سورية طائفية اسماعيل مسلم و قصي مسيحي قدمو عمل قوي وبعتذر اني ميزت بينهن بس لتوصل الفكرة
  • والله دمعت يارب افرجه علينا يارب ? بكفي غربة بكفي والله لا نرجع ونعمر سوريا حجر حجر الله يفرجه?

  • فيديو بيجنننن كتيررررر حلووو والله هاد الفيديو بيستاهل ملايين المشاهدات بحبكون إسماعيل وقصي الله يحميكن يا رب ??????

  • والله فيديو حقيقي للأوضاع آخ بس شو صار فينا تشردنا كلنا من ورا الحرب???وفي ناس بتقول انو الممثلين ما بحسو بالفقراء لاء هاد غلط كل اهل سورية من دم واحد و ايد وحدة آخ والله انا صرلي ٦سنين بمصر لهلأ ما شفت ستي وجدي وعيلتي كلا مليييتتتتت????آخ اي والله قرآن والنجيب احنا ما منفترق?

  • انا حسيت انو الرسالة يلي بدون يوصلولنا ياها من هالفيديو هي انو كلنا اخوة لو شو ماكان دينا مسيح او اسلام ❤❤❤? وتاني شي كيف ممكن انو نواجه صعوبات بالتواصل مع العيلة.. على النت ازا كنا مفترقين عنن متل انو يكون النت ضعيف… ? والغنية ترند علبنان❤❤???

  • انا ماتت امي واخي وخالتي وخالتي التانيي وحدي ماتت بي سبب الحرب وتانيي ماتت بي قناص ماما ماتت الما كان عمري 2 سنتين بي حادس على طريق الشام بي سبب اطلاق نار ?????وهلئ عمري 11عايشي مع بيت جدي ادعو الماما الله يرحمة ?????والله مشتاقتلا

  • يارب افرجها علينا والله تعبنا من لغربه? هاد احلى عمل شفتو عنجد ابدعتو فيو والله دموعي صار لحاله تنزل وقت عم تغنو عنجد احساسكن وصل لجوات قلبي الله يعطيكن الف عافيه على هالعمل الحلو والله يوفئكن باعمال تاني

3 Comments on “سوري قديم

admin
أبريل 15, 2020 at 11:31 م

كنت أاعتقتد أن سر جمالك هو شعرك المتجه نحو عيناك.. لكن عندما قصصته باء اعتقادي بالفشل.. لأنك ازددت جمالا.. وشعرت أن جمالك الروحي والفكري هو المركز الأول في الجمال في هذا العالم الواسع.. هدفك وهدف جمهورك واحد استمر.. فأنا احلم كل يوم ان راك وان اعمل معك فأنا كاتبة.. من الاردن.. استمر حتى اخر نفس.. جميعنا نحبك

رد
Jamesmob
أبريل 28, 2020 at 7:33 م

You’ve amazing thing on this web-site.

رد
Royal CBD
مايو 14, 2020 at 11:39 ص

I read this post fully regarding the comparison of hottest
and earlier technologies, it’s remarkable article.

رد

اترك تعليقاً

لن يتم نشر عنوان بريدك الإلكتروني.